Si të udhëheqësh

“Një libër tejet argëtues që flet për liderë nga profesione dhe pozicione krejt të ndryshme. Dialogët e David Rubenstein-it me individë aq të ndryshëm nga njëri-tjetri si Jeff Bezos dhe Yo-Yo Ma, nxjerrin në pah me mjeshtëri historitë e tyre personale dhe cilësitë që i çuan drejt suksesit. Mbi të gjitha, Rubenstein zbulon veçoritë e lidershipit që të gjithë i kanë të përbashkëta”. Si të udhëheqësh është një libër jashtëzakonisht frymëzues dhe udhëzues”. —ROBERT M. GATES, sekretar amerikan i mbrojtjes 2006-2011 dhe autor bestseller i New York Times për librin Duty

“Në këto kohë të shpejta e shpeshherë të turbullta, lidershipi i mençur dhe efikas është i domosdoshëm. Libri i David Rubenstein-it paraqet një vështrim tërheqës mbi mënyrën se si bëhen liderët legjendarë. Një libër themelor për liderët e sotëm të cilët duan të përmirësohen, dhe për liderët e ardhshëm që duan të hyjnë në lojë”. —SHERYL SANDBERG, COO e kompanisë Facebook dhe themeluese e LeanIn.Org dhe OptionB.Org.

“Lidershipi nuk është shkencë por art, dhe i mrekullueshmi David Rubenstein ka bashkuar një grup mjeshtërish në këtë libër përfshirës dhe ndriçues. Nga politika te sportet, ky është një libër i paçmueshëm për ato gjëra që kanë më shumë rëndësi”. —JON MEACHAM, autor bestseller i New York Times për librin The Soul of America

“David Rubenstein nxjerr me shkathtësi veçoritë kyçe të lidershipit efikas, duke e kënaqur lexuesin me intervistat e tij të paimitueshme, me shumë nga liderët më të suksesshëm të kombit tonë. Si të udhëheqësh është një përmbledhje tërheqëse bisedash intime e të mahnitshme, të mbushura me mësime të rëndësishme se si të konkurroni dhe lulëzoni në mjediset më kërkuese”. —SUSAN E. RICE, ish ambasadore amerikane në Kombet e Bashkuara dhe këshilltare për sigurinë kombëtare

“Ka ardhur koha ta fusim David Rubenstein-in në listën e intervistuesve mjeshtër si Bill Moyers, Lesley Stahl, Anderson Cooper dhe Jim Lehrer. Rubenstein bind mbi njëzet amerikanë të rëndësishëm që të tregojnë se si u ngritën në pozita pushteti dhe lidershipi. Rrëfime të mrekullueshme me një ritëm energjik dhe një kujtesë se kemi ende liderë të vërtetë në mesin tonë”. —DAVID GERGEN, analist i CNN dhe themelues e drejtor i Qendrës për Lidershipin Publik, Harvard Kennedy School

“David Rubenstein është një ekspert për lidershipin. Të lexosh këtë thesar të paçmueshëm me këshilla nga liderët më të mëdhenj të kohës sonë, është njësoj si të ulesh në një kolltuk dhe të dëgjosh mjeshtërit teksa rrëfejnë sekretet e tyre”. —WALTER ISAACSON, autor bestseller i New York Times për librat Leonardo da Vinci dhe Steve Jobs