Rrëfenja amerikane

Bashkëthemeluesi i kompanisë The Carlyle Group dhe filantropi atdhetar, David M. Rubenstein, i çon lexuesit në një udhëtim gjithëpërfshirës përgjatë harkut madhështor të historisë amerikane, përmes bisedave informuese me historianët tanë më të shquar.

Përmes emisionit të tij popullor, The David Rubenstein Show, David Rubenstein ka ndërtuar reputacionin si një nga intervistuesit tanë më vëmendshëm. Tani, në librin Rrëfenja amerikane, David kap gjeninë e historianëve tanë më të çmuar, si dhe shpirtin e subjekteve të tyre. Libri përmban një hyrje nga Rubenstein dhe një parathënie nga Bibliotekarja e Kongresit, Carla Hayden, gruaja e parë dhe afrikano-amerikania e parë që udhëheq Bibliotekën tonë Kombëtare. Ky libër, i mbushur përplot me foto arkivore të Bibliotekës së Kongresit, është i destinuar të kthehet në një klasik për lexuesit seriozë të historisë amerikane.

Përmes këtyre shkëmbimeve mahnitëse, këta autorë bestseller dhe fitues të Çmimit Pulitzer, na ofrojnë njohuri të reja për momentet kyçe, që nga Epoka e Themelimit e deri te fundi i shekullit 20.

“Me pasionin e tij legjendar për historinë e Amerikës, bisedat e David Rubenstein-it me studiuesit dhe autorët, e sjellin në jetë në një mënyrë të re historinë e vendit tonë. Rrëfenja amerikane hedh dritë mbi humanizmin, motivet dhe historitë pak të njohura të disa prej udhëheqësve më të shquar të vendit tonë, me mësime të cilat kanë rëndësi për të gjithë ne sot”.
—BILL GATES, Bill & Melinda Gates Foundation