Esencializmi

“Në këtë traktat gjenial mbi artin e të bërit më pak por më mirë, autori na lehtëson zgjidhjen e problemeve. Duke ndjekur këto udhëzime të qarta, lexuesit do të zbulojnë rrugën e esencialistit.”

—Success

Rruga e esencialistit është kërkimi i pandërprerë dhe i palodhshëm “për më pak, por për më mirë”. Është një rrugë që duhet të ndiqet vazhdimisht në mënyrë të disiplinuar.

Esencializëm nuk do të thotë të mësosh të bësh më shumë gjëra; do të thotë të mësosh të bësh gjërat e duhura. Esencializëm do të thotë të investosh kohë dhe energji në mënyrën më të mençur, me qëllim që të japësh kontributin maksimal duke bërë vetëm gjërat thelbësore.

Për të shpjeguar parimet e esencializmit, Greg McKeown bazohet në përvojën dhe njohuritë e fituara nga bashkëpunimi me drejtuesit e kompanive më novatore në botë.

Esencializmi është një disiplinë përmes së cilës mund të arrish rezultate maksimale me përpjekje minimale; është një mendësi; është një ide e përkryer për t’u aplikuar në realitetin e sotëm.