Aristoteli dhe Dantja zbulojnë misteret e universit

Një histori e ëmbël miqësie, rritjeje dhe formimi. Dantja di të notojë. Ari nuk di. Dantja flet bukur dhe ka besim te vetja. Ari ndien vështirësi me fjalët dhe vuan nga pasiguria. Dantja përhumbet në poezi dhe pikturë. Arin e trazojnë mendimet për vëllain që ka në burg. Dantja ka lëkurë të çelët. Tiparet e Arit janë më ezmere. Duket sikur Dantja, me mendjen e tij të hapur dhe krejt të veçantë, mund të jetë njeriu i fundit që do të thyejë barrierat që ka ngritur Ari rreth vetes.
Çuditërisht, kur Dantja dhe Ari takohen, krijojnë një lidhje tepër të
veçantë, e cila do t’u mësojë disa nga të vërtetat më të rëndësishme të
jetës dhe do t’i ndihmojë të kuptojnë jo vetëm veten, por edhe vendin
që zënë në shoqëri. Te dy djemtë nuk do ta kenë aspak të lehtë, pasi do të hasin shumë pengesa rrugës, por vetëm duke besuar te njëri-tjetri dhe te forca e miqësisë, Ari dhe Dantja do të mbijetojnë dhe do të zbulojnë misterin më të fuqishëm të universit: dashurinë,
Vë bast se, ndonjëherë, në dorën e dikujt mund të gjesh tërë misteret e universit
Një eksplorim i ngrohtë, i sinqertë i vetvetes e i seksualitetit, si dhe një pohim plot pasion se dashuria – romantike ose familjare – duhet të jetë e hapur, e lirë dhe të jetohet pa druajtje.